Innifalið

Davíð og Golíat veitir internet- og hýsingarþjónustu til einstaklinga, félagasamtaka og fyrirtækja gegn gjaldi undir nafninu Davíð og Golíat. Viðskiptavinir skulu vera fjárráða og ekki vera í eldri vanskilum. Þjónustukaupi fær með samningi þessum hýsingu á vefsvæði sínu, tölvupósti og gagnagrunnstengingar samkvæmt þeirri þjónustuleið sem hann hefur valið sér.  Fari valin hýsingarleið umfram innifalið gagnamagn fer hýsingarleið sjálfvirkt í næsta verðflokk fyrir ofan.

Þjónustuleiðir og gjaldskrá er hægt að nálgast á skrifstofu Davíðs og Golíat sem og vefsíðu fyrirtækisins. Þjónustukaupi hefur kynnt sér notkunarmöguleika og takmarkanir á þeirri þjónustu sem keypt er og samþykkir hana. Vefurinn er vistaður á netþjónum Davíð og Golíat í umsaminn tíma.  

Ábyrgðir

Það efni sem birtist á vefsvæði þjónustukaupa er ávallt á ábyrgð þjónustukaupa. Öll gögn sem þjónustukaupi vistar á vefsvæði sínu í gagnagrunni þjónustusala eru alfarið á ábyrgð þjónustukaupa, og ber þjónustusali enga ábyrgð á lögmæti gagnanna á einn eða anna hátt, hvað varðar siðgæði, höfundarrétt, hugsanleg meiðyrði eða nokkuð annað.

Fari svo að þjónustusali beri af einhverjum ástæðum refsi- eða skaðabótaábyrgð gagnvart þriðja manni vegna gagna sem stafa frá þjónustukaupa skuldbindur þjónustukaupi sig til að endurgreiða þjónustusala viðkomandi fjárhæðir og ábyrgist skaðleysi hans vegna þessa. Þjónustusali ber í engu tilviki ábyrgð á rekstrartapi verkkaupa eða öðru óbeinu tjóni þ.m.t glötuðum ágóða eða ráðgerðum sparnaði, hvort sem tjónið má rekja til þjónustu þjónustusala eða tenginga kerfisins og vefsvæðisins við annan tölvubúnað, vegna galla, skemmda eða eyðileggingar á tölvu- eða hugbúnaði eða annarra ástæðna. Þurfi þjónustusali að greiða þjónustukaupa bætur í tengslum við samning þennan getur krafan aldrei orðið hærri en sem nemur mánaðargjaldi þann tíma sem meint tjón varð til.

Aðgangur og afnot netfangs og FTP aðgangs er bundið þeim aðila sem skráður er fyrir aðganginum. Ber hann jafnframt einn ábyrgð á því sem gert er með aðgangi hans. Áskrifandi skal sjálfur sjá um afritunartöku af þeim gögnum sem geymd eru á heimasvæði hans nema um annað sé samið. Davíð og Golíat tekur enga ábyrgð á gögnum sem geymd eru á netþjónum sínum sem kunna að skemmast eða tapast. Brot á ofangreindum reglum getur valdið tafarlausri lokun á þjónustu.

Greiðsluskilmálar og gildistími

Þjónustukaupi greiðir þjónustusala fyrirfram fyrir hvern mánuð eða ár eftir því hvaða leið er valin. Gjaldið er innheimt með innheimtuseðli eða skuldfært á greiðslukort þjónustukaupa. Verð fyrir hýsingu og þjónustu getur tekið breytingum miðað við þróun neysluvísitölu ársfjórðungslega. Gjaldið breytist samkvæmt verðskrá ef aukaþjónusta er nýtt, t.d. dulkóðun, fleiri netföng, auka virkni í síðu o.s.frv.

Samningur þessi tekur gildi við sannanlegt samþykki og er uppsegjanlegur eftir 2 mánuði frá samþykkt samnings og er hann ekki uppsegjanlegur fyrir þann tíma. Sé samningnum ekki sagt upp skriflega innan samningstíma endurnýjast hann sjálfkrafa um 2 mánuði. Uppsagnarfrestur er tveir mánuðir. Greiði þjónustukaupi ekki umsamin mánaðargjöld vegna hýsingar og þjónustu samnings þessa eða annarrar þjónustu er þjónustusala heimilt að fella niður þjónustuna innan mánaðar frá tilkynningu um það, og gjaldfellur þá allur samningurinn. Standi vanskil í meira en 60 daga er þjónustusala heimilt að rifta samningi þessum og fjarlægja allt efni verkkaupa af netþjónum sínum. Gjaldfellur einnig allur samningurinn við þessa riftun. Þjónustusali áskilur sér þann rétt að senda reikninga eða samninginn í heild í innheimtu eftir 60 daga vanskil eða meira. Samningur þessi er einungis framseljanlegur af hálfu Davíð og Golíatar ehf.

 Uppsögn á Fjarskiptaþjónusta Davíð og Golíat ( internet og IP símkerfalausnir)

Báðir aðilar geta sagt upp fjarskiptaþjónustusamningi með minnst tveggja mánaðar fyrirvara, nema þar sem sérákvæði gilda, og skal uppsögnin vera skrifleg og á þar til gerðu formi sem hægt að fá hjá Davíð og Golíat ehf. Uppsögn miðast við upphaf nýs reikningstímabils, þann 1. hvers mánaðar.

Áskrifendur á einstaklingsmarkaði eiga rétt á því að segja þjónustusamningi fyrirvaralaust upp án greiðslu skaðabóta þegar þeir fá tilkynningu um fyrirhugaða breytingu á skilmálum.

Við uppsögn á samningi ber áskrifanda að skila án tafar búnaði í eigu Davíð og Golíat ehf. Davíð og Golíat ehf getur þó heimilað áskrifanda að halda búnaði í ákveðin tíma gegn því að áskrifandi haldi áfram að borga leigu á búnaði. Ef áskrifandi getur ekki af einhverjum orsökum skilað búnaði er Davíð og Golíat ehf heimilt að gjaldfæra áskrifanda um upphæð sem nemur verðmæti búnaðarins á þeim tíma sem hann var afhentur áskrifanda.

Davíð og Golíat ehf er heimilt bjóða upp á samninga þar sem áskrifandi skuldbindur sig í allt að tólf mánuði. Ef áskrifandi segir upp slíkum samningi á samningstíma áskilur Davíð og Golíat ehf sér rétt til að krefja áskrifanda um þau mánaðargjöld sem ógreidd eru af samningstímanum auk riftunargjalds.

Trúnaðarupplýsingar

Aðilar samnings þessa skuldbinda sig til að gæta fyllsta trúnaðar um upplýsingar sem þeir kunna að fá, hvor um annars rekstur vegna samnings þessa. Jafnframt skuldbinda samningsaðilar sig til að gæta fyllsta trúnaðar gagnvart þriðja aðila, þ.á.m. um innihald og einstök ákvæði samnings þessa. Ákvæði þetta um trúnað heldur fullu gildi sínu þrátt fyrir að samningurinn renni sitt skeið á enda.

Ágreiningsmál
Verði höfðað mál vegna ágreinings um samning þennan má reka málið fyrir Héraðsdómi Reykjavíks eða nágrennis.